Ҳамзат Чимаев ва Камару Усманнинг эҳтимолий жанг санаси маълум!

UFC ярим ўрта вазн (77,1 кг) тоифаси юлдузи Ҳамзат Чимаев(12-0) ва собиқ чемпион Камару Усман (20-3) ўртасидаги жанг 21 октябрь куни Абу-Дабида ташкил этилувчи "UFC 294" турнирида бўлиб ўтиши режалаштирилмоқда.

Бу борада Чимаев ўзининг ижтимоий тармоқлардаги саҳифасида маълум қилган. Аввалроқ Дана Уайт ушбу жангни ташкил қилишга қизиқмаётганлигини айтиб ўтганди. Воқеалар ривожи ушбу тўқнашув амалга ошиши мумкинлигини кўрсатмоқда.

Маълумот учун, Ҳамзат Чимаев Дубайда Ўзбекистонлик мураббий Ҳусан Мажлимов қўл остида машғулотлар олиб бормоқда.