Ҳақиқий ҳужумчи шундай бўлади! Обамеянг ҳеч ким уддалай олмаган натижага эришди

“Барселона”нинг янги ҳужумчиси Пьер-Эмерик Обамеянг Испания чемпионатининг 25-турида “Валенсия” дарвозасини уч маротаба ишғол қилиб, жамоасининг 4:1 ҳисобидаги ғалабасини таъминлади.

Статистика мутахассисларининг маълум қилишича, ушбу “хет-трик” габонлик ҳужумчи учун тарихий аҳамият касб этди. Шу тариқа, Обамеянг Франция, Германия, Англия ва Испания чемпионатларида хет-трик қайд этган биринчи футболчи бўлди.

Обамеянг аслида “Арсенал” футболчиси эди. Бироқ, бош мураббий Микель Артета билан чиқиша олмагани учун клуб қимматбаҳо ўйинчининг шартномасиним уддатидан олдин бекор қилиб, уни эркин агент сифатида қўйиб юборди.

32 ёшли футболчи “Барселона” билан 2025 йилнинг ярмигача шартнома имзолади. У аввал “Боруссия Д” ва “Сент-Этьенн” шарафини ҳимоя қилган.