Hasanboy Do‘smatov yangilangan WBO reytingiga kiritildi. Olimjon Nazarov va Shohjahon Ergashev esa yuqoriladi...

Professional boksning tayanch tashkilotlaridan biri hisoblangan Jahon boks tashkiloti (WBO) iyul oyi uchun yangilangan reytingini e’lon qildi.

Super engil vazn toifasida (63,5 kg) Shohjahon Ergashev o‘tgan oydagi 9-o‘rindan bir pog‘ona yuqorilab, 8-o‘rinda qayd etildi.

O‘ta engil vaznda (50,8 kg) Olimjon Nazarov ham 4-o‘rindan 3-o‘ringa ko‘tarildi.

Shuningdek, yana bir hamyurtimiz Hasanboy Do‘smatov birinchi o‘ta engil vazn (48,9 kg) reytingiga kiritilib, 7-o‘ringa joylashtirildi.

Ushbu yo‘nalish top 15'ligida boshqa o‘zbek bokschilari qayd etilmagan.