Ҳеч ким эътибордан четда қолмайди. Ёхуд Ўзбекистон ампутант футболчилар терма жамоаси аъзолари автомобиль билан тақдирланди (ФОТО)
Аввал хабар берганимиздек, бугун жаҳон чемпионатида бир неча бор ғолиб ва совриндор бўлган Ўзбекистон ампутант футболчилар терма жамоаси аъзоларига 3 декабрь - Халқаро ногиронлар куни муносабати билан Президент совғаси - Кобальт автомобили топширилди.
Ўзбекистон Миллий паралимпия қўмитасида ўтказилган тантанали маросимда Спортни ривожлантириш вазири А.Икрамов, Ўзбекистон Республикаси Президентининг ёшлар, фан, таълим,соғлиқни сақлаш, маданият ва спорт масалалари бўйича Давлат маслаҳатчиси О.Абдурахмонов, Ўзбекистон Миллий паралимпия қўмитаси раиси М.Ташходжаев, Ўзбекистон ампутант футболчилар терма жамоаси аъзолари ҳамда ОАВ ходимлари иштирок этди.
Тадбирда Ўзбекистон Миллий паралимпия қўмитаси таркибида нопаралимпия спорт турлари клуби ташкил этилиб, ушбу клубга ампутант футболчилар ҳам аъзоликка қабул қилиниши айтилди. Шу тариқа ампутант футболчиларга ҳам худди паралимпия спортчилари каби халқаро майдонларда қўлга киритган натижаларига қараб махсус стипендиялар ажратилади.
Қуйида ушбу тақдирлаш маросимидан олинган энг сара фотосуратларни томоша қилишингиз мумкин:
Фикрлар