Ҳеч қандай ўзгариш йўқ! Моуриньо қаттиқ танқид остида қолиб кетди

Испаниянинг Cope радиоси журналисти Хосе Ларраньяга «Реал Мадрид»нинг янги мавсумни қандай бошлаганини баҳолади.

Унинг фикрича, жамоа бош мураббий Жозе Моуринью қўл остида ҳозирча кутилган даражада ўсиш кўрсата олмаяпти.

«Моуринью клубга қайтганидан бери «Реал Мадрид»га аслида нима берди? Биз жамоа ўйинида ҳеч қандай жиддий ўзгаришни кўрмадик. Ва очиғини айтсам, яқин вақтларда катта сакраш бўлишига ҳам ишонмаяпман. 

Ҳозирча Моуриньюнинг қайтиши жамоага сезиларли устунлик ёки янги босқич олиб келгани йўқ», — деб таъкидлади Ларраньяга.

Эслатиб ўтамиз, ёзги мавсумда «Реал» бош мураббийни алмаштиришга қарор қилганди. Жамоани яна Жозе Моуринью бошқармоқда. У Мадридга «Бенфика» клубидан келиб қўшилди. Ҳозирча «Қироллик клуби» Ла Лиганинг турнир жадвалида тўртинчи ўринни эгаллаб турибди.