Here we go! Асенсио "Астон Вилла" футболчиси

ПСЖ аъзоси Марко Асенсио АПЛга кўчиб ўтмоқда. Уни "Астон Вилла" ўз таркибига кўшиб олишга жуда яқин турибди, дея хабар беряпти инсайдер Фабрицио Романо. 

Унинг сўзларига кўра, футболчи борасида томонлар келишувга эришди. 29 ёшли испан бирменгимликлар сафига ижара асосида ўтади. Асенсио якшанба куни Англияга етиб келиши кутилмоқда. 

Маркодан ташқари "Астон Вилла" Маркус Рэшфорд ва Жоау Фелиш трансферлари устида ҳам иш олиб бормоқда. Бу ўйинчилар билан шахсий шартлар бўйича келишиб олишиш қийин бўлмайди. Клублар билан эса музокаралар давом этмоқда. 

Асенсио 2023 йилнинг ёзида ПСЖга эркин агент сифатида келганди. Орадан бир ярим йил ўтганидан кейин у жамоани тарк этяпти.