Here we go! Лукаку "Наполи" футболчиси

"Наполи" Ромелу Лукаку трансферини якунлаш арафасида турибди. 

Фабрицио Романо хабар беришича, томонлар келишувга эришди. Мазкур харид неаполликлар учун 30+15 миллион еврога тушади. Ҳужумчининг ўзи эса клуб билан 3 йиллик шартнома имзолайди. 

Ушбу трансферни Антонио Конте раҳбариятдан талаб қилди. Мураббий бир неча йил олдин Лукаку билан "Интер"да бирга ишлаган. Шундан кейин бельгиялик страйкерни "Челси" 105 миллион еврога сотиб олганди.