Ҳимоячи учта клуб таклифини рад этди

«Интер» жамоаси ҳимоячиси Бенжамен Павар Миланда қолиш ниятида ва у аллақачон клубни ўзгартириш бўйича учта таклифни рад этган. Бу ҳақда Calciomercato хабар бермоқда.

Манбага кўра, 30 ёшли француз футболчиси «Бенфика», «Галатасарай» ва «Комо» вариантларини қабул қилмаган. Павар «нерадзурри» бош мураббийи Кристиан Кивуни ўзини жамоада қолдиришга ишонтиришга умид қилмоқда.

Ёзги трансфер ойнаси бошида Паваранинг «Интер»дан кетиши деярли ҳал бўлган масала сифатида кўрилган эди. Бироқ ҳимоячининг мавсум олди йиғинларидаги ишончли ўйини вазиятни тубдан ўзгартириши мумкин.

Аввалроқ «Интер» клуби Павара учун 10–15 миллион евро атрофидаги таклифларни кўриб чиқишга тайёр экани маълум қилинган эди.