Ҳоланд ёзда клубни тарк этадиган «Манчестер Сити» сардори Силвага мурожаат қилди

«Манчестер Сити»нинг норвегиялик ҳужумчиси Эрлинг Холанд жамоани тарк этаётган, сўнгги мавсумларда етакчилардан бири бўлган ярим ҳимоячи Бернарду Силвага самимий миннатдорчилик изҳор қилди.

«Сен билан бир жамоада, елкама-елка туриб ўйнаш имконияти учун миннатдорман, Бернарду. Сен ҳақиқий жангчисан», — деб ёзди Холанд ўзининг ижтимоий тармоқдаги саҳифасида.

Аввалроқ оммавий ахборот воситаларида 31 ёшли португалиялик футболчи мавсум якунланиши билан «Манчестер Сити»ни тарк этиши ҳақида хабарлар пайдо бўлган эди. Бернардунинг клуб билан амалдаги шартномаси 31 июнда ниҳоясига етади.

Силва «осмонранглар» сафида 2017 йилдан буён ўйнаб келади. У жамоа таркибида 460 та ўйинда майдонга тушиб, 76 та гол урди ва 77 та голли узатма берди. Интернет-портал Transfermarkt маълумотларига кўра, футболчининг тахминий бозор қиймати 27 миллион евро атрофида баҳоланмоқда.