"Ҳумо" Беларусдаги йиғинни якунлаб, Тошкентга қайтди

"Ҳумо" ҳоккей клуби мавсум олдидан ўқув-йиғин машғулотларини Беларусда ўтказиши ҳақида хабар бергандик.

"Қанотлилар" Европадаги йиғинни якунлади. Жамоа бош мураббийи Евгений Попихиннинг сўзларига кўра, ҳоккейчиларнинг жисмоний тайёргарлигини бир нуқтага олиб келиш учун мазкур йиғин жуда зарур эди. Жисмоний тайёргарликдан ташқари тактик томонга ҳам катта эътибор берилди.

Жамоа Беларуснинг "Динамо-Шинник" клуби билан назорат учрашувида майдонга тушди. Шунингдек, бир неча жамоалар билан машғулот ўтказилди.

"Ҳумо" бош директори Юрис Опулскис йиғин ҳақида фикр билдирди: "Бизда жуда тажрибали мураббийлар штаби бор. Клубга келган ёш ўйинчилар жуда ҳам омадли. Ўйлайманки, улардан бир нечтаси яқин йиллар ичида парвоз қилаётган бўлади.

Жамоа мавсумга тайёргарликнинг сўнгги босқичини Тошкентда давом эттиради ва бир ҳафтадан сўнг кубок беллашувларида иштирок этиш учун Қозоғистонга йўл олади".

Опулскиснинг сўзларига кўра, мавсум учун таркиб кубок баҳсларидан кейин аниқ бўлади.

Фикрлар

Фикр қолдириш учун авторизациядан ўтинг!