Ҳусанов “Манчестер Сити”ни ўзгартириб юборди...
“Манчестер Сити”нинг жорий мавсумдаги иккита муваффақиятсиз ўйинидан кейин Хосеп Гвардиола жамоада яна жанговар руҳни уйғота олди. Буни “шаҳарликлар” Англия Премьер-лигасида “Манчестер Юнайтед” ва Европа Чемпионлар лигасида “Наполи”га қарши ўтказилган учрашувларда намойиш қилди.
Испаниялик мураббий шогирдлари тўрт кун ичида иккита қудратли рақибга қарши майдонга тушиб, умумий ҳисобда бешта гол урди ва ўз дарвозаси дахлсизлигини сақлаб қолди.
“Манчестер Сити” фаолиятини ёритиб келаётган йирик манбалардан бири – esteemedkompany.com сайти жамоанинг энг нозик нуқтасига айланган ҳимоя чизиғи охирги икки учрашувда икки нафар ёш ҳимоячи ёрдамида қандай ўзгаришга юз тутганини таҳлил қилиб берди.
Sports.uz портали англиялик эксперт Адам Марреттнинг таҳлилий мақоласини ўзбекистонлик футбол ишқибозлари эътиборига ҳавола этиўни маъқул топди.
- “Манчестер Сити” охирги икки учрашувда гол ўтказмади. “Манчестер Юнайтед” ва “Наполи” мағлуб этилган учрашувларда жамоанинг ҳимоявий ҳаракатлари сезиларли даражада яхшилангани кўринди. Дарвозадан Жанлуижи Доннарумманинг жой олгани “Сити” ҳимоясига барқарорлик олиб кирди.
Ҳимоя марказидан ўрин олган Рубен Диаш ва Йошко Гвардиол орқа чизиқни мустаҳкам ушлаяпти. Бироқ ёш ҳимоячилар – Абдуқодир Ҳусанов ва Нико О’Рейлининг қанотлардаги ўйини жамоага юқори даражада ҳимояланиш имконини таъминлаётганини алоҳида тилга олиш керак.
Бу икки ўйинчи шаҳар дербиси ва Чемпионлар лигаси учрашувида жамоа муваффақиятларига жуда катта ҳисса қўшди. Ҳусанов ва О’Рейли ўйинларда жисмоний куч-қувватлари билан бирга совуққонлиги ва техник маҳоратини ҳам намойиш қилмоқда.
Қанотларда Ҳусанов ва О’Рейли ўйнаганида “Сити” ҳимоячи умуман бошқа даражага кўтариляпти. Айниқса, Ҳусанов тезлиги катта ўйинчи сифатида рақиб ҳужумкор футболчиларининг босимларини бартараф этишда жонбозлик кўрсатмоқда. Абдуқодир яккакурашларда кучли ва ўйинни ўқиш қобилияти зўр.
Бу позицияда ўйнаб келган Рико Льюис ва Матеуш Нуньешга солиштирганда Ҳусунов ўнг қанот ҳимоясида ўнг қанотда анча ишончли ўйнаётгани намоён бўлади. Бундан ташқари, ўзбек легионери тўп билан ишлаш кўникмасини жуда тез ўзлаштириб ва ривожлантириб бормоқда. Бу Хосеп Гвардиола жамоаси учун жуда муҳим ҳисобланади. Нико О’Рейлининг чап қанотдаги ҳаракатлари ҳақида ҳам шу фикрларни билдириш мумкин.
Никонинг чап қанот ҳимоясида ишончли ўйнаётган Йошко Гвардиолни марказга ўтказиш имконини беради. Бу “Сити” ҳимоя чизиғини янада мустаҳкамлайди. О’Рейли аслида ярим ҳимоячи, шу боис бутун чап қанот бўйлаб, устунликни таъминлашга ҳаракат қилади. Техник хусусиятлари унга ҳимояда ўйнаш имконини беряпти.
“Манчестер Сити”нинг дербидаги ва Чемпионлар лигасидаги икки ўйинидан кейин 21 сентябрда “Арсенал”га қарши учрашувда Нико О’Рейли, Йошко Гвардиол, Рубен Диас ва Абдуқодир Ҳусановдан бирортаси бошланғич таркибда майдонга тушмаслигини ҳозир ҳеч ким тасаввур қила олмайди. Бу тўртлик “Эмирейтс Стэдиум”даги муҳим учрашувни бошлаб беришга лойиқ ўйин намойиш қиляпти.
Қолаверса, Микель Артета жамоасининг ҳужумкорлиги “Манчестер Юнайтед” ёки “Наполи”никидан анчагина кучли ва вариантлари ҳам кўп. “Канонирлар” айниқса, қанотдан ҳужум уюштиришга уста. Агар бўлажак баҳсда ҳимоянинг икки қанотида кутилаётганидек Ҳусанов ва, О’Рейли ўйнаса, улар “Арсенал”нинг серқирра ҳужумларини тўхтатиш учун анча тер тўкишларига тўғри келади.
“Арсенал” билан бўладиган баҳсда Хосеп Гвардиоланинг янги ҳимоя квартети нақадар мустаҳкам ҳимояланиши ҳақиқий синовдан ўтади. “Манчестер Сити” ҳимоячилари эса, жисмонан ва руҳан бу босимга тайёр кўринмоқда, - деб ёзди esteemedkompany.com сайти эксперти Адам Марретт.
Комментарии