Husanovning muxlislariga yoqadigan xabar!

Abduqodir Husanov o‘zining ishonchli va shiddatli o‘yinlari bilan Frantsiya chempionatining haqiqiy kashfiyotiga aylandi.

Evropaning “top-5” chempionatlaridan o‘ndan ziyod kuchli klublar hamyurtimizni transfer nishoni sifatida belgilagani bejiz emas, albatta. Legionerimiz yosh bo‘lishiga qaramay, mavsum boshidan beri barqaror o‘yin ko‘rsatib kelmoqda.

Frantsiya chempionatining 14-turidan o‘rin olgan “Lans” va “Monpele” o‘rtasidagi bellashuvni ham o‘zbek futbolchisi yuqori saviyada o‘tkazdi.

Uchrashuv tahlili bilan shug‘ullanayotgan ekspertlar va futbol manbalari Abduqodir Husanovning o‘yin darajasini alohida e’tirof etmoqda.

Bir necha manbalar – xususan, le11hdf.fr portali hamyurtimizni uchrashuvning eng yaxshi o‘yinchisi, deb topdi. Bu portal eksperti Romen Peshonning tahlilida o‘z aksini topdi.

Sports.uz portali tajribali mutaxassisning quyidagi tahlilini o‘zbekistonlik futbol ishqibozlari e’tiboriga havola etadi:

Uchrashuvning eng yaxshi futbolchisi – Abduqodir Husanov

Abduqodir Husanov ketma-ket uchrashuvlarni bir xil, ya’ni yuqori saviyada o‘tkazmoqda. O‘zbek futbolchisi “Monpele”ga qarshi uchrashuvda o‘z pozitsiyasida erkin va juda ishonchli o‘ynadi. “Lans”ning birinchi goli urilgan vaziyatda Abduqodir Husanov vaziyatga o‘z vaqtida aralashdi va to‘pni olib, samarali hujumni boshlab berdi.

Jamoadoshlarining urinishlarini Remi Labo Laskari aniq zarba bilan yakunlab, raqib darvozasini ishg‘ol qildi.

Husanov “Monpele”ning bir necha keskin qarshi hujumlarini qaytarishda ham jonbozlik ko‘rsatdi. O‘yinning ikkinchi yarmi, ya’ni 75-daqiqada Tedji Savane zarbasini qaytarish uchun darvozabondek o‘ynashiga to‘g‘ri keldi.

Abduqodir raqiblar uchun o‘tib bo‘lmas devorga aylanib qoldi.

Qoniqarli o‘ynagan futbolchilar – Bris Samba va Kevin Danso

Bris Samda umuman olganda ikkita seyv namoyish qildi. Biroq 70-daqiqada Tedji Savane yaqin masofadan kuchli zarba bergan vaziyaida Samba jamoasini muqarrar goldan qutqarib qoldi. Bir necha daqiqadan keyin Issiaga Silla lansliklar posboniga to‘qnash keldi. Bu vaziyatda ham Bris bexato o‘ynadi.

Yaqingacha “lans”ning markaziy himoyachi Frantsiya chempionatida eng kuchlisi bo‘lib turgan edi. Abduqodir Husanovning tarkibga qaytib, Kevin Danso bilan liganing eng mustahkam himoya juftligi ni qayta tikladi.

Avstriyalik himoyachi noyabrda o‘yinida kuzatilgan pasayishdan keyin yana o‘z darajasiga chiqib oldi. Uchrashuv davomida raqibning 15 ta hujumidan 11 tasini qaytarishga erishdi. Garchi maydon ichkarisidan hujum boshlashda Dansoning samaradorligi va aniqligi biroz past bo‘lsa-da, bu ko‘rsatkichlar umumiy o‘yin saviyasiga salbiy ta’sir ko‘rsatayotgani yo‘q.

Ishonchni oqlamagan futbolchi – Endi  Diuf

Murabbiylar shtabi Nil Al-Aynauiga qaraganda Endi Diufga ko‘proq ishonch bildirayotgan edi. Lekin “Monpele” bilan bo‘lgan uchrashuvda bu o‘yinchiga aniqlik etishmadi. Raqib himoya chizig‘ini yorib o‘tishga usta hisoblangan Endi Diuf bu gal o‘z ustunligini namoyish qila olmadi. U raqib himoyachilari bilan to‘qqiz marotaba kurashga kirishda va shulardan sakkiztasida imkoniyatni boy berdi, biror marobata raqibni aldab o‘tolmadi. Raqib ustunlik qilgan holatlar to‘rt marotaba o‘yin qoidasini buzdi.

Nufuzli portal –  le11hdf.fr ekspertlari “Lans” o‘yinchilarining harakatlarini quyidagicha baholadi:

Samba (7 ball) – Frankovski (4 ball), Danso (7 ball), Husanov (7 ball), Medina (6 ball) – Tomasson (6 ball), Diuf (4 ball) – Zaruri (5 ball), Fuldjini (5 ball), Labo-Laskari (6 ball) – Nzola (5 ball).

Bosh murabbiy g‘alabadan keyin Husanov haqida nimalar dedi?

“Roma”: Argentinalik yulduz Shomurodovdan zo‘r emas!