Ибрагимович А Сериянинг бошқа бир клубига ўтиши мумкин

"Милан" ҳужумчиси Златан Ибрахимовичнинг клуб билан амалдаги шартномаси мавсум сўнггида тугайди. Швециялик футболчи ва жамоа ўртасида янги битим борасида музокаралар ўтказилмаяпти. У катта эҳтимол билан миланликлар таркибидан кетади. 

"Foot Mercato" нашри маълум қилишича, Златан "Монца"га ўтиши мумкин. 41 ёшли ҳужумчининг ўзи ҳам мазкур янги чақирувга рози бўлади. У мавсум давомида жароҳат сабаб жуда кам ўйинда иштирок этди.

Ибрахимович 2020 йилда "Милан" сафига келиб қўшилганди. Унинг ташрифи жамоага фойда олиб келди. Қария келганидан кейин Италия гранди А Серия чемпиони бўлди. Бундан ташқари Чемпионлар лигасининг ярим финалигача етиб келди.