Ибрагимович агенти Мино Райоланинг вафоти ҳақида гапирди

«Барселона», «Милан», ПСЖ, «Манчестер Юнайтед» ва «Ювентус» клубларининг швецияялик собиқ ҳужумчиси Златан Ибрагимович агенти Мино Райоланинг вафоти ҳақида гапирди.

“Агентим Мино Райола оламдан ўтганида, бу мен учун катта зарба бўлди. Охирги кўз ёшларим тугагунча йиғладим. Ҳали ҳам тугамади, чунки баъзида ёдимга тушиб қолади. Бу мени жуда хафа қилади, чунки мен уни жуда соғиндим. У билан мени таниган ҳар бир киши биз қанчалик яқин эканимизни тушунади. Агар у ўқиса, унга нима ёзган бўлардим? "Мен сизни соғиндим", деб Ибрагимовичнинг сўзларини келтиради AB Talks.

Футбол агенти Мино Раёла 2022 йилнинг 30 апрелида 54 ёшида касалликдан сўнг вафот этди. Унинг мижозлари орасида Златан Ибрагимовичдан ташқари Эрлинг Холанд, Поль Погба, Генрих Мхитарян, Блез Матюиди, Марко Верратти, Жанлуижи Доннарумма каби футболчилар бор эди.

Златан Ибрагимович 2001-2023 йилларда Швеция терма жамоаси сафида жами 122 та ўйин ўтказиб, 62 та гол урган.