Ибрагимович ЕЧЛ қайдномасига киритилмагани ҳақида: Ўзимни кераксиздек ҳис қилдим, аммо кейин...

Жорий мавсум “Милан” учун Чемпионлар лигаси муваффақиятлироқ кечмоқда. “Россонерилар” нимчорак финалда “Тоттенхэм”ни мағлубиятга учратди ва клублар ўртасидаги қитъанинг энг нуфузли мусобақасида чорак финалга йўл олди.

Бироқ Златан Ибрагимович Чемпионлар лигасида майдонга туша олмайди. Чунки “Милан” уни мусобақа қайдномасига киритмаган. Швециялик форвард бу нима учун содир бўлганини қуйидагича изоҳлади:

“Қайднома шакллантирилганда ўзимни умуман кераксиздек ҳис қилдим. Аммо ўн кундан кейин мен қайта туғилдим”, - деди 41 ёшли швециялик футболчи.

Эслатиб ўтамиз, "Милан" ЕЧЛ чорак финилади "Наполи"га қарши баҳс олиб боради.