Ibragimovich faoliyatini Avstraliyada davom ettirishi mumkin

AQShning “Los-Anjeles Gelaksi” klubi forvardi Zlatan Ibragimovich faoliyatini Avstraliyada davom ettirishi mumkin.

Le Figaro nashri tarqatgan xabarga ko‘ra 38 yoshli shvetsiyalik futbolchi bilan "Pert Glori" klubi jiddiy qiziqib qolgan. Avstraliyaliklar xatto ushbu masala yuzasidan Zlatanning agenti Mino Rayola bilan ham aloqaga chiqishgan.

Ma’lumot uchun, Ibragimovichning “Los-Anjeles Gelaksi” bilan amaldagi shartnomasi dekabrda o‘z nihoyasiga etadi va u erkin agentga aylanadi.

Eslatib o‘tamiz, bundan avvalroq Ibragimovichga "Napoli", "Inter" va "Flamengo" klublaridan ham qiziqishlar borligi haqida xabarlar tarqalgan edi.