Ибрагимович фаолиятини Австралияда давом эттириши мумкин

АҚШнинг “Лос-Анжелес Гэлакси” клуби форварди Златан Ибрагимович фаолиятини Австралияда давом эттириши мумкин.

Le Figaro нашри тарқатган хабарга кўра 38 ёшли швециялик футболчи билан "Перт Глори" клуби жиддий қизиқиб қолган. Австралияликлар хатто ушбу масала юзасидан Златаннинг агенти Мино Райола билан ҳам алоқага чиқишган.

Маълумот учун, Ибрагимовичнинг “Лос-Анжелес Гэлакси” билан амалдаги шартномаси декабрда ўз ниҳоясига етади ва у эркин агентга айланади.

Эслатиб ўтамиз, бундан аввалроқ Ибрагимовичга "Наполи", "Интер" ва "Фламенго" клубларидан ҳам қизиқишлар борлиги ҳақида хабарлар тарқалган эди.