Ибрагимович жорий мавсум МЛСдаги 10-голини урди (видео)

“Лос-Анжелес Гэлакси” клуби форварди Златан Ибрагимович “Спортинг Канзас Сити”га (2:0) қарши бўлиб ўтган МЛСнинг навбатдаги турида ўз номига гол ёздириб қўйишга эришди.

Қайд этиш лозимки, 37 ёшли швециялик ҳужумчи шу тариқа ўзининг жорий мавсумдаги голлари сонини 10 тага етказиб олди.

маълумот учун, айни дамда МЛС тўпурарлар пойгасида "Лос-Анжелес" форварди Карлос Вела пешқадамлик қилмоқда. Мексикалик футболчи ҳисобида 15та гол мавжуд.

Эслатиб ўтамиз, Ибрагимович бундан аввалги 2 та ўйинни дисквалификация сабаб ўтказиб юборган эди.