Ibragimovich Shomurodov jamoasiga qarshi o‘yinda maydonga tushadimi?

"Milan" hujumchisi Zlatan Ibragimovich Italiya chempionati 12-turi doirasida "Jenoa"ga qarshi o‘yinni o‘tkazib yuborishi mumkin.

39 yoshli shvetsiyalik bugun tonggi mashg‘ulotlarda yakka tartibda shug‘ullandi. "Rossonerilar" bosh murabbiyi Stefano Pioli hujumchi chorshanba kuni bo‘lib o‘tadigan bahsda maydonga tushishga tayyor emas, deb hisoblamoqda.

Joriy mavsumda Ibragimovich A Seriyada 6 ta o‘yinda qatnashib, 10 ta gol kiritdi va 1 ta golli uzatma berdi. "Jenoa" "Milan" bahsi Toshkent vaqti bilan 16 dekabrdan 17 dekabrga o‘tar kechasi soat 00:45 da boshlanadi.