Ибрагимович: "У кучли характерга эга футболчи"

"Милан"нинг собиқ ҳужумчиси ва клуб ҳодими Златан Ибрагимович жамоанинг янги ҳимоячиси Кайл Уокер ҳақида фикр билдирди.

- У кучли характерга эга, бу "Милан"га керак бўлган нарса. Кайл жамоага ёрдам беришга қодир. Уокер "Манчестер Сити"да ўйнаганидек, марказий ҳимояда ҳам ўйнай олади, - деди Златан.

Аввалроқ, Уокер мавсум охиригача ижара асосида "Милан" клубига ўтгани хабар қилинганди.

Маълумот учун, англиялик ҳимоячи жорий мавсумда 15 маротаба майдонга тушди. Трансфермаркт порталидаги маълумотларга кўра, футболчи 10 миллион еврога баҳоланмоқда.