Ибрагимовичда яна муаммо пайдо бўлди

Sky нашрининг хабар қилишича, "Милан" форварди Златан Ибрагимович яна жароҳат олди.

22 ноябрь кунги тур ўйинини бел оғриғи туфайли ўтказиб юборган 39 ёшли ҳужумчи бугунги машғулотларга қўшилган ва унинг якунида оёғида оғриқ ҳис қилган.

Шифокор қўйган ташхисга кўра, швециялик футболчи 10 кун ичида сафга қайта олмайди.

Шунинг учун, Ибрагимович йил якунига қадар, А Серия ўйинларида жамоасига ёрдам беролмайди. Бу вақт ичида "Милан" клуби "Сассуоло" ва "Лацио"га қарши баҳс ўтказади. У 3 январь куни "Беневенто" ва 6 январда "Ювентус"га қарши кечадиган беллашувларда ҳам майдонга тушолмаслиги тахмин қилинмоқда.