Ибрагимовичнинг дубли "Милан"га дербида ғалаба келтирди

Италия А Серияси 4-туридан ўрин олган "Интер" - "Милан" тўқнашуви ўз якунига етди. Унда "россонерилар" 2:1 ҳисобида ғалабага эришди.

Меҳмонларнинг иккала голига ҳам Златан муаллифлик қилган бўлса, Лукаку "неррадзурилар" томонидан бир маротаба жавоб қайтаришга эришди.

• 90'
  

  Учрашув якунланди. Матнли трансляцияни Абдулвосид Валихонов олиб борди.

• 90+'

  Лукакунинг аниқ зарба йўллашига Тео йўл қўймади.

• 90+'
  

  Ўйиннинг асосий вақтига ҳакам томонидан 5 дақиқа қўшиб берилди.

• 87'
  

  Тонали Кессининг ўрнига майдонга тушди.

• 85'

  Златан тўпни ўзига бўйсундира олмади. Вазият йўққа чиқди.

• 83'
  

  Видаль ўрнига Санчес майдонга тушди.

• 83'
  

  Ҳакими сариқ карточка олди.

• 82'
  

  Бурчакдан узатилган тўпга Златан томонидан йўлланган зарба ноаниқ чиқди.

• 80'

  Кьернинг жаримадан узатилган тўпга берган зарбаси кучсизроқ чиқди.

• 75'
  

  Йўқ, офсайд. Лукаку бироз аввал ўйиндан ташқари ҳолатда бўлган. 

• 73'

  Доннарумма Лукакуни жарима майдони ичида йиқитди. Пенальти.

• 72'

  Круничнинг жарима майдонига кириб бориб, берган зарбаси ноаниқ кетди.

• 69'
  

  Дамброзио сариқ карточка ишлаб олди.

• 67'
  

  Эриксен Брозович ўрнини тўлдирди.

• 66'
  

  Ҳакам томонидан Пиоли ҳам огоҳлантирилди. Биринчи таймда у оғзаки огоҳлантириш ҳам олганди.

• 62'
  

  Крунич ва Кастильехо майдонга тушди. Леао, Салемакерс захирадан ўрин олди.

• 61'

  Барелланинг зарбасини Кьер боши билан майдон ташқарисига чиқариб юборди.

• 60'
  

  Златан сариқ карточка ишлаб олди. Ҳаводаги курашда Де Врейга тирсаги билан зарба бериб юборди.

• 59'

  Ҳакимининг бош билан берган зарбаси ноаниқ кетди. Яхши очилиб борганди.

• 55'

  Леаонинг зарбаси бироз ноаниқ кетди.

• 52'

  Ҳакимининг узатмаси ўтмади. Ҳимоячилар иккинчи қаватда ишончли ҳаракат қилмоқдалар.

• 49'

  Ҳакимининг узатган тўпига Лаутаро зарба беришга улгурмади. Ҳимоячилар марокашлик ҳимоячининг узатмасини тушуниб қолишди.

• 47'

  Лаутаронинг зарбаси ноаниқ кетди.

• 46'
  

  Иккинчи тайм старт олди.

• 45'
  

  Танаффус.

• 45+'
  

  Лукаку бурчакдан узатилган тўпга ноаниқ зарба берди.

• 45+'
  

  Биринчи таймга 2 дақиқа қўшиб берилди.

• 45+'
  

  Кесси сариқ карточка ишлаб олди.

• 45'

  Тэонинг чўзиб юбориши натижасида "Милан"нинг тезкор қарши ҳужуми гол билан якунланмади.

• 44'

  Лаутаронинг жарима майдони ташқарисидан берган зарбаси Доннарумма учун қийинчилик туғдирмади.

• 43'
  

  Бареллага тиббий ёрдам керакка ўхшайди.

• 40'

  Майдон марказида тенг ўйин кечмоқда.

• 37'

  Лукаку қарши ҳужумга чиқиб кетиши мумкин эди. Аммо елкама-елка курашда катта тезликда югураётган футболчи йиқилиб тушди.

• 36'

  Беннасернинг жарима майдони марказига узатган тўпини ҳимоячилар ўтказмади.

• 34'

  "Интер"нинг яна бир ҳужуми бесамар якунланди. Лукакудан ноаниқ ҳаракат.

• 32'

  Ҳимоячилар Лукакуга узатилган тўпни узоқлаштирди.

• 31'
  

  Чалханўглунинг кетма-кет иккита бурчак узатмаси муваффақиятсиз чиқди.

• 29'
  

  ГОООООООООООООЛЛЛЛЛЛЛЛЛЛЛЛЛЛ!!! Лукаку ҳисобни қисқартирди. Жарима майдонига узатилган тўпни "россонерилар" бартараф эта олмади.

• 29'
  

  Ибрагимович офсайдда қолиб кетди.

• 28'

  Леаонинг ўтиб кетишига "Интер" ҳимоячилари йўл қўймади.

• 25'
  

  Миланликлар бурчак зарбасидан наф чиқара олишмади.

• 22'
  

  Кьер огоҳлантирилди. Майдон марказида ишлатилган фол ростдан ҳам бунга арзирди.

• 19'

  Ибранинг узатмасига Леао ета олмади.

• 16'
  

  ГООООООООООООЛЛЛЛЛЛЛЛЛЛЛЛЛЛ!!! Ибрагимович дублни расмийлаштирди. Леао узатган тўп тўғри унинг оёқларига келиб тушди. Зарба Ханданович учун қайтариб бўлмас даражада эди.

• 13'
  

  ГОООООООООООЛЛЛЛЛЛЛЛЛЛЛЛ!!! Ибрагимович амалга оширган пенальтини Ханданович  қайтарди. Аммо такрорий зарба орқали Златан ҳисобни очди.

• 11'
  

  Ибрагимович пенальти ишламоқда. Коларов рақибини очиқчасига йиқитди. 

• 10'

  Перишичнинг жарима майдонига узатган тўпини ҳимоячилар қайтариб юборди. 

• 9'

  Чалханўглунинг жаримадан узатган тўпидан сўнг, жарима майдони ичида Романьоли зарба йўллашга эришди. Аммо ноаниқ.

• 6'

  Ўйин аввалида жамоалар анча эҳтиёткор футбол намойиш этишмоқда.

• 4'

  Энди Лукаку қоидани бузди. Жабрланувчи яна Эрнандес.

• 2'

  Ҳакими ҳужумда қоидани бузди.

• 1'
  

  Ўйин бошланди.

• 0'

  Жамоалар майдонга тушиб келиб улгурган. Барча нарса ўйин бошланишига шай.

• 0'

  Ассалому алайкум, азиз футбол мухлислари. "Интер" - "Милан" баҳси бошланиш арафасида. Матнли трансляцияни Абдулвосид Валихонов олиб боради.