Иброҳимович: Ҳозир дунёда ундан зўри йўқ!

“Милан”нинг 40 ёшли ҳужумчиси Златан Иброҳимович айни пайтдаги дарвозабонлар орасида энг зўри қайси эканини айтди.

- ПСЖ бош мураббийига осон эмаслигини яхши биламан.Мен Кейлор Навас билан таниш эмасман, лекин у зўр дарвозабон. Парижликларда иккита зўр голкипер бор. Лекин мен учун ҳозирги пайтда энг яхши дарвозабон бу Жанлуижи Доннарумма. Бу ерда баҳслашиш ортиқча, чукни дунёнинг энг кучли посбони. Мен у билан ўйнаганман ва нималар деётганимни жуда яхши биламан, - деди Златан Иброҳимович.

“Милан” тарбияланувчиси Жанлуижи Доннарумма ёзда Европа чемпионатининг энг зўр ўйинчиси, деб топилган эди. Миланликлар билан шартномаси якунлангани боис, эркин агент сифатида ПСЖ билан шартнома имзолади.

Унинг парижликлар билан битими 2026 йилнинг 30 июнигача давом этади. Париж клубида Доннарумма асосий посбонга айлана олмади. Маурисио Почеттино асосан коста-рикалик Кейлор Навасга ишонч билдирмоқда.