IFMA вице-президенти Ўзбекистонга ташриф буюрди

Ўзбекистон Миллий Олимпия қўмитасига Халқаро Муайтай уюшмалари федерацияси (IFMA) вице-президенти, Европа ва Туркия муайтай федерациясининг раҳбари Ҳасан Йилдиз ташриф буюрди. Меҳмонни МОҚ Бош котиби Ойбек Касимов қарши олди.

Томонлар жорий йил Ченду шаҳрида ўтказиладиган Бутунжаҳон спорт ўйинлари, Ар-Риёд мезбонлик қиладиган Ислом бирдамлиги ўйинлари ҳамда Баҳрайн давлатида бўладиган ёшлар Осиё ўйиларига ўзбекистонлик спортчиларни пухта тайёрлаш борасида фикр алмашишди. 

Шунингдек, учрашув давомида мамлакатимизда ушбу спорт турини янада ривожлантириш, ёшлар орасидаги оммавийлигини ошириш ҳақида ҳам сўз борди. Бу ҳақда Ўзбекистон Муайтай Ассосацияси хабар бермоқда.