Икки енгилмас жангчи "UFC 310" турнирида тўқнашади

Мағлубиятсиз серия қайд этаётган UFC жангчиси Шавкат Раҳмонов (18-0) яна бир енгилмас ирландиялик спортчи Иан Гарри (15-0) билан жанг қилади.

Аввалроқ, "UFC 310" мусобақасида Шавкат ярим ўрта вазнда амалдаги UFC чемпиони Белал Муҳаммадга қарши тўқнаш келиши керак эди. Бироқ, камар соҳиби соғлиғи билан боғлиқ муаммолари туфайли чекинишга мажбур бўлди.

Эслатиб ўтамиз, 2023 йил декабрь ойида "UFC 296" турниридаги сўнгги жангида Раҳмонов америкалик Стивен Томпсонни иккинчи раундда мағлуб этганди. Иан Гарри, ўз навбатида, "UFC 303" да ҳакамларнинг якдил қарорига кўра британиялик Майкл Пейждан устун келди.