Илҳом Мўминжонов янги мавсум учун "Нефтчи"нинг тайёргарлик режасини ишлаб чиқди

Янги мавсумда Суперлигада тўп сурадиган "Нефтчи" жамоаси беллашувларга тайёргарлик режасини белгилаб олди. Режага кўра, янги мавсумга тайёргарлик ишлари 3 босқичда амалга оширилади.

6 январдан бошланадиган 1-босқичда Илҳом Мўминжонов шогирдлари Тошкентда йиғилиб, машғулотларга киришадилар. Бу жараён 17 январгача давом этиб, орада битта ўртоқлик учрашувини ўтказиш кўзда тутилган.

20 январдан 10 февралгача давом этадиган 2-босқични фарғоналиклар Туркиянинг Анталия шаҳрида ўтказишади. Бу босқичда тайёргарликнинг муҳим қисми сифатида 4 та назорат учрашувларини ўтказиш режалаштирилган.

Тошкент ва Туркияда машғулот ҳамда назорат ўйинларини ўтказадиган "Нефтчи" жамоаси мавсумга тайёргарликнинг 3-босқичини Фарғонада давом эттиради. Бу босқичлар жараёнида жамоага қабул қилинган янги футболчиларнинг нимага қодир эканликлари ва жамоанинг мавсумга тайёргарлик даражасига баҳо берилади.

“Нефтчи” матбуот хизмати.