Илия Топуриянинг октагонга қайтиш вақти маълум

Собиқ UFC чемпиони Илия Топуриянинг жисмоний тайёргарлик бўйича мураббийи Хесус Галло жангчининг тикланиши муддатини эълон қилди.

"Шифокорлар бизга тўлиқ соғайиш учун 6 дан 8 ҳафтагача вақт кераклигини айтишди. Шундан сўнг Илияга машғулотларга қайтиш учун яна вақт зарур бўлади. Боиси синган суяк тўлиқ мустаҳкамланиши лозим. Ўйлайманки, бу камида 2–3 ой вақт олади. Агар реванш ёки кейинги жанг ҳақида гапирсак, бу эҳтимол йил охири — декабрда ўтиши мумкин. Яна ҳам кўрамиз", - деди Хесус.

Эслатиб ўтамиз, Топурия "UFC Freedom 250" турнирида америкалик Жастин Гэтжидан мағлубиятга учради ва енгил вазндаги чемпионлик камарини бой бериб қўйди.