Илёс Зейтуллаев: "Ўйинчиларимнинг ҳаракатларидан розиман"

Суперлиганинг 1-туридан ўрин олган “Бунёдкор” – “Нефтчи” (2:2) учрашувидан сўнг мезбонлар устози Илёс Зейтуллаев ОАВ ходимларининг саволларига жавоб қайтарди.

"Жуда қизиқарли ўйин гувоҳига айландик. Қайсидир дақиқаларда биз, айрим вазиятларда рақиб яхшироқ кўринди. Умумий маънода шогирдларим ўз вазифасини яхши бажарди. Бу йил медаллар учун курашадиган, мамлакатимизнинг энг кучли жамоасига қарши мавсумнинг биринчи ўйинини ёмон ўтказмадик.

Айтганимдек, “Нефтчи” кучли жамоа. Шунинг учун ўйиндан қониқдим. Бугун майдонда тўп сурган барча ўйинчиларнинг ҳаракатларидан розиман! Улар меҳнат қилишди, футбол ўйнашди. Бизда аҳил коллектив йиғилган. “Бунёдкор” эса тарихий жамоа. Биз ўша тарихий жамоанинг бир бўлаги бўлиш учун аста-секинлик билан шаклланаяпмиз, ўйинимизни “қуряпмиз”. Мухлислар стадионга ташриф буюришини учун ҳаракат қилишда давом этамиз".