Иммобиле янги мавсумни Лондон гранди сафида бошлаши мумкин

"Лацио" ҳужумчиси Чиро Иммобиле фаолиятини Англия премьер-лигасида давом эттириши мумкин.

Daily Star нашри тарқатган хабарга кўра, 31 ёшли италиялик футболчига "Тоттенхэм"дан жиддий қизиқиш пайдо бўла бошлаган. "Шпорлар" Чирони ёзда жамоадан кетиши мумкин бўлган Харри Кейн ўрнига муносиб ўринбосар сифатида кўрмоқда.

Иммобилени шахсан жамоа бош мураббийи Жозе Моуриньо таркибда кўришни истамоқда. Аммо "Тоттенхэм" раҳбарияти ёши каттароқ ҳужумчини сотиб олишга унчалик ҳам хоҳиш билдирмаслиги мумкин.

Иммобиле жорий мавсум "Лацио" сафида 28 та ўйинда иштирок этди ва 19 та гол ҳамда 4 та голли узатмага муаллифлик қилди.