Индонезия жамоаси 12 та футболчи билан ўйнагани маълум бўлди

Индонезия клуби ўйин якунида 12-футболчини майдонга туширди.

Индонезиянинг "Макассар" жамоаси "Барито Путера" жамоасига қарши ўйинда ҳийла ишлатмоқчи бўлди.

Ўйиннинг сўнгги сонияларида майдонда ўн иккинчи футболчи пайдо бўлди. Буни ҳакамлар пайқашмади. Бу эса 3:2 ҳисобидаги ғалабани сақлаб қолишга имкон берди.

Бироқ, рақиб жамоа вакиллари "Макассар"нинг бу ҳаракатини исботловчи сурат ва видеоларни топшириб, эътироз билдирдилар. Энди "Макассар" 0:3 ҳисобида техник мағлубиятга учраши мумкин.