Индзаги "Милан"ни бошқармоқчи

"Милан" клуби раҳбарияти "Лацио" бош мураббийи Симоне Индзагини жамоага олиб келмоқчи.

Таъкидлаш керакки, бундан аввалроқ унга "Ювентус"дан ҳам қизиқишлар бўлаётгани ҳақида хабарлар тарқалган эди. Бироқ, Corriere della Sera нашри тарқатган хабарга кўра Индзагини кўпроқ “россонерилар”нинг таклифи қизиқтирмоқда.

Ўз навбатида “Лацио” раҳбарияти ҳам тажрибали мураббийини қўйиб юборишни хоҳламаяпти. Индзагининг римликлар билан амалдаги шартномаси эса 2020 йилга қадар имзоланган.

Маълумот учун, “Лацио” жорий мавсум Италия кубогини қўлга киритди ва янги мавсумда Европа лигасида иштирок этиш йўлланмасини қўлга киритди.