Индзаги шармандали мағлубият ва келажаги ҳақида гапирди!

Чемпионлар лигаси финалида "Интер" катта ҳисобда — 0:5 ҳисобида ПСЖга ютқазди. Учрашувдан сўнг "нераззурриликлар" бош мураббийи Симоне Индзаги шундай деди:

"Мен бу болалардан фахрланаман. Бугун биз ҳақли равишда ғалаба қозонган жамоага қарши ўйнадик. Улар эҳтимол, биздан кучлироқ. Биз ўйинга ёмон кирдик, тезда голлар ўтказиб юбордик. Кейин эса жуда очиқ ўйнай бошладик ва ПСЖга осонликча имконият яратиб бердик. Биз бундай голларни бугунгача ҳеч қачон ўтказмаган эдик.

Бу оғриқли мағлубият биз бутун мавсум давомида қилган ишларни инкор қилмайди. Биз яхшироқ ишлашимиз керак эди, аввало мен ўзим. Ҳа, титулсиз қолдик, лекин бу ҳаёт. Жамоага эътироф билдириш керак".

Келажаги ҳақида:

"Яқин кунларда клуб билан фикр алмашамиз. Ҳозир ҳаддан ташқари қайғули вақт. Қарор қабул қилишга вақт бўлади. Клуб доимо биз билан — улар ҳам бу пайтда аламни ҳис қилмоқда" - дея таъриф бериб ўтди италиялик мутахассис.