Иньеста ЕЧЛда ғолиб бўлишга даъвогар жамоалар қайсилигини айтди

Фаолиятини Япониянинг "Виссел Кобе" клубида давом эттираётган испаниялик футбол юлдузи Андрес Иньеста жорий мавсум Чемпионлар лигасида қайси жамоалар ғолиблик учун асосий даъвогар эканлигини айтди.

“Очиғи бу борада бирон нарса дейиш қийин, аммо, биргина омадсиз ўйин ҳар қандай жамоани ғолиблик умидидан маҳрум этиши мумкин. Лекин менимча "Ювентус", "Барселона" ва "Ливерпуль" чемпионлик учун анча яқин ҳисобланади. Ушбу жамоалар қолганларга нисбатан устунликка эгалар, аммо, уларнинг ҳам хато қилишга ҳақлари йўқ”, - дейди Иньеста.

Эслатиб ўтамиз, ЕЧЛ 1/4 финал босқичида “Барселона” “Манчестер Юнайтед” билан, “Ювентус” “Аякс” билан, “Ливерпуль” эса “Порту” билан куч синашади.