Иньеста: "Орзулар жамоасини кўряпман!"

"Барселона" афсоналаридан бири Андрес Иньеста каталонияликларнинг жорий мавсумдаги ўйини ҳақида фикр билдирди.

"Barca Universal" собиқ футболчининг фикрларини келтирди.

- Мен яна орзулар жамоасини кўряпман. Илгари мен "Барселона" ўйинларини томоша қилардим ва қўрқардим. Бироқ, энди мендан "Барселона" ғалаба қозонадими, деб сўрашнинг ҳожати йўқ. "Барселона" бугун қанча гол уради, деб ўзингиздан сўранг, - деди Иньеста.

Малумот учун, "Кўк-анорранглилар" 20 турдан сўнг 39 очко тўплаган ҳолда Ла Лига турнир жадвалида учинчи ўринни эгаллаб турибди.