Иньестани яна бир мавсум "Барселона"да олиб қолишмоқчи
Каталониянинг “Барселона” клуби раҳбарияти жамоа сардори Андрес Иньестани яна бир мавсум “Камп Ноу”да олиб қолишни истамоқда.
Таъкидлаш лозимки, агар жамоа раҳбарияти ўтган йил “Барселона” билан бир умрлик шартнома имзолаган 33 ёшли футболчини жорий йилнинг 30 апрелигача кўндира олмаса, у ҳолда Иньеста ушбу келишувни бузиши мумкин.
Хабарларга қараганда клуб президенти Жозеп Бартомеу ва бош мураббий Эрнесто Вальверде ФИФА кунлари сабаб вужудга келган қисқа муддатли танаффусдан унумли фойдаланиб, футболчини кўндиришга ҳаракат қилишмоқчи.
Эслатиб ўтамиз, бундан аввалроқ Иньестага Хитой клубидан супер таклиф бўлаётгани ҳақида хабарлар тарқалган эди.
Фикрлар