Ассалому алайкум, қадрли футбол ихлосмандлари! Италия Кубоги турнирининг чорак финалидан ўрин олган марказий баҳс - "Милан дербиси" трансляцияга хуш келибсиз. Сайтимиз уни сизга матнли кўринишда тақдим этади. Матнли трансляцияни Абдулла Маннонов олиб боради.

Интер М

  • Ромелу Лукаку 71'
  • Кристиан Эриксен 90'

Кубок Италии round_Quarter Finals

27/01/2021, 00:45

2
:
1
Тугади

Милан

  • Златан Ибрагимович 31'
45'
90'

  • 90'

    Учрашув якунланди. Матнли трансляцияни Абдулла Маннонов олиб борди. 

  • 90+10'

    Ҳакими ҳам огоҳлантирилди. 

  • 90+9'

    Кесси сариқ карточка ишлаб олди. 

  • 90+7'

    ГООООООООООЛЛЛЛЛЛЛЛЛЛЛЛЛ!!! Кристиан Эриксен жарима зарбасини аъло даражада ижро этиб, жамоасини ҳисобда олдинга олиб чиқди. 

  • 90+6'

    Мейте жарима майдони яқинида қоидани бузди. "Интер"да яхши стандарт. 

  • 90+3'

    Барелла ҳужумда кескин ўйнади. Ҳакам уни оғзаки огоҳлантирди. 

  • 90+'

    Ҳакам асосий вақтга яна 10 дақиқа қўшиб берди. 

  • 90'

    Жарима майдончаси ичида тўпни қабул қилиб олган Лукакунинг зарбаси дарвозабон турган зона томон йўл олди. 

  • 88'

    Брозович ўрнига Эриксен майдонга ташланди. 

  • 86'

    Коларовнинг бурчакдан узатган тўпини Татарушану осонлик билан қайтариб юборди. 

  • 85'

    Леау ва Салемакерс ўрнига Крунич ва Кастильехо майдонга тушмоқда. 

  • 83'

    Ашраф Ҳакими жарима майдонига пастлатиб тўпни етказди. Татарушану уни ушлаб олишга эришди. 

  • 81'

    Коларов бурчак зарбасини тезда ўйинга киритиб юборди. "Интер" позицион ҳужумда. 

  • 76'

    Захира ҳаками ўйинга қўшилди. Паоло Валери захирага ўтади.

  • 75'

    Бош ҳакам Паоло Валерида жароҳат. У ўйинни давом эттиролмайди.

  • 73'

    "Милан" тезкор қарши ҳужумда эди, бироқ югуриб кетаётган футболчи йиқитилди ва ҳакам фол қайд этди.

  • 72'

    Коларов бурчакдан тўпни ўйинга киритиб беради.

  • 71'

    ГОООООООООООООООЛЛЛ!!! Ҳисоб тенглашди! Лукаку даҳшатли зарбаси билан дарвозага тўпни михлаб қўйди. 1-1!

  • 70'

    Пенальти! Ҳакам ВАРга мурожаат қилгач пенальти белгилади! Лукаку уни ижро этади!

  • 69'

    Барелла ҳужумда фаол ўйнади, бироқ тўп унинг қўлига тегиб кетди.

  • 68'

    "Интер"да ўзгариш: Перишич ўрнига Лаутаро Мартинез ўйинга қўшилди.

  • 67'

    Иван Перишич жарима майдони ичида 11 метрлик нуқта устидан туриб бош билан тшпни дарвозага тўғирлади, бироқ бироз аниқлик етишмади!

  • 65'

    Ребич сариқ карточка олди.

  • 64'

    Бурчак тўплари статистикаси бундай: 8-0!

  • 63'

    Перишич жарима майдончаси ичига тўпни ажойиб тарзда етказиб берди, бироқ дарвозабон уни эгаллаб олди.

  • 61'

    "Милан"да ўзгариш: Браим Диас ўрнига Анте Ребич ўйинга қўшилди.

  • 60'

    Лукакуда офсайд қайд этилди.

  • 58'

    Қизил карточка!!! Бош ҳакам Паоло Валери Златан Ибрагимовичга қизил карточка кўрсатди! Қоидабузарлик шунгача олиб келди.

  • 57'

    Николо Барелла тиббий ёрдам олмоқда. Жароҳат жиддий шекилли.

  • 57'

    Тэо Эрнандес қўпол ўйнади, у йиқитган футболчи тиббий ёрдамга муҳтож.

  • 56'

    Брозович яна бир бор бурчак тўпи ижро этади.

  • 54'

    Барелла ўйин қоидасини бузди, рақибини чалиб йиқитди. Ҳакам фол қайд этди.

  • 53'

    Брозович сариқ карточка олди. 

  • 52'

    "Интер" бурчак тўпини ижро этади.

  • 52'

    Перишичнинг узатмасини ҳимоячилар ташқарига чиқариб юборди. Бурчак тўпи.

  • 51'

    Брозович бурчак тўпини ижро этади.

  • 50'

    Санчес ажойиб узатмадан сўнг тўпни дарвозага тўғирлади, зарбага аниқлик етишмади.

  • 48'

    Суалихо Мейте жуда агрессив ўйнаб юборди. Ҳакам фол қайд этди.

  • 46'

    Конте таймни ўзгариш билан бошлаб олади: Маттео Дармиан ўрнига Ашраф Хакими ўйинга қўшилди.

  • 46'

    2-бўлим бошланди.

  • 45'

    Футболчилар майдонга қайтишмоқда. Биз ҳам қайтамиз.

  • 45+2'

    Биринчи бўлим якунланди. Танаффус.

  • 45+1'

    Златан Ибрагимович бош ҳакам билан тортишиб кетгани боис сариқ карточка олди.

  • 45+'

    Биринчи таймга 1 дақиқа вақт қўшиб берилди.

  • 45'

    Лукаку сариқ карточка олди.

  • 43'

    Салемакерс жарима майдони ичига узун пас ташлади, бироқ ҳимоячи уни узоқлаштирди.

  • 41'

    Брозович бурчак тўпи тепди, бироқ дарвозабон тўпни ҳеч кимга бермади.

  • 40'

    "Интер"нинг ҳужумлари якунланмай қоляпти. Перишичнинг узатмаси ҳам ўз эгасига етиб бормаслиги таъминланди.

  • 37'

    Ухх, қандай вазият "Интер"да!!! Жарима майдони ичидаги палапартиш вазиятга қарамай Санчес зарба берди, бироқ дарвозабон қайтарди!

  • 34'

    "Милан" тўпни назорат қилмоқда.

  • 33'

    Умумий зарбалар статистикаси: 6-4.

  • 32'

    ГООООООООООООООООООООЛЛЛ!!! "Милан" ҳисобни очмоқда! Гол муаллифи - Златан!

  • 31'

    Жарима зарбаси қайтарилди, позицион ҳужум.

  • 31'

    Брозович Тэо Эрнандесга нисбатан қўпол ўйнади. Ҳакам буни дарҳол илғаб, жарима зарбаси белгилади.

  • 28'

    Дармиан қўпол ўйнади ва ҳакам томонидан огоҳлантирилди.

  • 27'

    Перишич чап қанотдан ёриб кириб дарвозага зарба берди! Дарвозабон суперсейв намойиш қилди.

  • 26'

    Коларов бурчакдан тўпни ўйинга киритиб беради.

  • 25'

    Позицион ҳужум давом этмоқда. Бошқа бир "Интер" футболчиси зарба берди, ҳимоячи зарбани оёғи билан тўсиб қолди.

  • 24'

    Лукаку жарима майдони ичида бир ҳимоячи билан тўп учун курашиб якунда дарвозага аниқ зарба берди! Дарвозабон жамоасини муқаррар голдан қутқариб қолди.

  • 22'

    Лукаку Дармиан узатган тўпни дарвозага тўғирлай олмади, ҳужум ҳам тўхтаб қолди. Тўп "Милан"да.

  • 20'

    Мажбурий ўзгариш: жароҳат олган Симон Кьер ўрнига Фикайо Томори ўйинга қўшилди.

  • 19'

    Симон Кьер майдонда ётибди. У тиббий ёрдамга муҳтож. Жароҳат жиддий кўринади.

  • 18'

    Симон Кьер сариқ карточка олди. Қўполлик.

  • 17'

    Шкриньяр жарима майдони ичига тўпни узатди, бироқ дарвозабон уни эгаллаб олди.

  • 16'

    Суалихо Мейте қўпол ўйнади. "Интер" жарима зарбасига эга бўлди.

  • 13'

    Леаунинг ажойиб узатмасини Ибрагимович дарвозага жойлай олмади! Гол уриш учун ажойиб имконият эди.

  • 12'

    Лукакунинг узатмаси ҳеч кимга насиб этмади. "Милан" қарши ҳужумга ўтади.

  • 11'

    Франк Кесси ўйин қоидасини бузди. Ҳакам уни оғзаки огоҳлантирди.

  • 9'

    Тэо Эрнандеснинг ҳимоя чизиғини ёриб киришга бўлган ҳаракатлари бесамар кетди.

  • 8'

    Далотнинг узатмаси йўлига тўғаноқ бўлишди.

  • 7'

    Брозович бурчакдан тўпни ўйинга киритди, лекин бир нечта ҳимоячилар фаоллик кўрсатиб хавфни бартараф этишди.

  • 6'

    "Милан" хавфли ҳужум ташкил этди. Симон Кьер жарима майдони ичига ажойиб узатма амалга оширди, бироқ ҳимоячилар чаққонроқ ҳаракат қилди.

  • 4'

    "Интер" бурчакдан тўпни ўйинга киритиб беради. Брозович тўп олдида.

  • 3'

    "Милан" футболчиси Суалихо Мейте қўпол ўйин намойиш этди ва ҳакам жарима зарбаси белгилади.

  • 2'

    Салемакерснинг узатмасидан сўнг Рафаэль Леау тўпни дарвозага тўғирлади, бироқ зарбага сантиметрлар аниқлик етишмади! Илк хавфли вазият!

  • 1'

    Учрашув бошланди!

  • 0'

    "Сан Сиро" жангга шай! Футболчилар майдонга чиқиб келишмоқда.

  • 0'

    Ассалому алайкум, қадрли футбол ихлосмандлари! Италия Кубоги турнирининг чорак финалидан ўрин олган марказий баҳс - "Милан дербиси" трансляцияга хуш келибсиз. Сайтимиз уни сизга матнли кўринишда тақдим этади. Матнли трансляцияни Абдулла Маннонов олиб боради.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Олимжон Норматов
27/01/2021 01:18
Кайирдан курса булади ака