"Интер" 1 та футболчи сотиб олиш учун 2 та футболчисини сотмоқчи

Миланнинг "Интер" клуби "Фиорентина" вингери Федерико Кьезани сотиб олиш учун маблағ изламоқда.

Football Italia нашри тарқатган хабарга қараганда, "нерадзуррилар" ушбу харидни амалга ошириш учун Далберт ва Ража Наингголанни сотишга тайёр. Кьезанинг тахминий трансфер нархи эса 50 миллион еврога баҳоланмоқда.

Таъкидлаш керакки, Наингголан мавсумни "Кальяри"да, Далберт эса "Фиорентина"да ижарада ўтказмоқда.

Федерико Кьеза жорий мавсум "Фиорентина" либосида 26 та ўйинда майдонга тушди ва 7 та гол ҳамда 5 та голли узатмага муаллифлик қилди.