"Интер" асосий ҳимоячисини "Челси"га сотишни истамади

Клублар ўртасидаги Жахон чемпионатининг амалдаги ғолиби "Челси" асосий ҳимоячиси Леви Колвилл жарохат олганидан сўнг ушбу чизиқ учун янги вариантлар кўриб чиқмоқда.

"Интер" ҳимоячиси Алесандро Бастони лондонликлар "short-list"даги асосий номзод хисобланади. "La Gazetta dello Sport" берган маълумотларга қараганда, "аристократлар" 26 ёшли футболчининг ўйинларини кузатиб борган ва ҳимоячи учун 50 миллион евро таклиф қилган. Бироқ Италия вице-чемпионлари ушбу таклифни рад этди. "Нерадзурилар" ўз қалқони учун каттароқ сумма талаб қилмоқда.

Эслатиб ўтамиз, Бастони ўтган мавсумда умумий 57 та ўйинда майдонга тушиб, 2 та гол ва 6 та голли узатмани амалга оширди.