"Интер" "Аталанта" юлдузидан воз кечди

Чемпионлар лигасининг амалдаги финалчиси "Интер" Бергамонинг "Аталанта" клуби билан нигериялик ҳужумчи Адемола Лукман трансфери бўйича музокараларни тўхтатди.

Гап шундаки, бергамоликлар ўз етакчиси учун камида 50 миллион евро тўлаб берилишини талаб қилган. Бироқ, миланликлар 45 миллион евро ва қўшимча бонуслардан ортиқ таклиф қилмаслигини маълум қилди. Шу билан бир қаторда "Наполи" вазиятни синчковлик билан кузатиб бормоқда. Маълум бўлишича, неаполликлар хафта сўнггигача Лукман учун таклиф билан чиқиши кутилмоқда.

Маълумот учун, нигериялик вингер якунланган мавсумда умумий 40 та учрашувда майдонга тушиб, 20 та гол ва 7 та голли узатмани ўз хисобига ёздириб қўйган.