"Интер" ҳужумчиси учун рус клуби ҳам курашга қўшилди

Миланнинг "Интер" клуби форварди Георге Пушкаш учун курашга ЦСКА клуби ҳам қўшилди.

Calciomercato нашрининг хабар беришича москваликлар 23 ёшли руминиялик футболчи борасида “нерадзуррилар”га расмий таклиф юборишган. Бироқ, рус клубига бу борада "Бирмингем" ва "Брайтон" жамоалари ҳам рақобат қилишмоқда. У келаси ҳафтадаёқ янги жамоасига кўчиб ўтади.

Маълумот учун, Пушкаш ўтган мавсумни “Палермо” сафида ижарада ўтказди ва 33та ўйинда рақиблари дарвозасига 9та гол уришга эришди.