"Интер" Икардини 80 миллион еврога ҳам сотиб юборишга тайёр

Миланнинг "Интер" клуби форварди Мауро Икарди ёзда жамоани тарк этиши мумкин.

AS нашри тарқатган хабарга кўра “нерадзуррилар” 26 ёшли аргентиналик футболчини 80 миллион еврога сотиб юборишга тайёр. Айтиш лозимки, айни дамда Икарди учун "Реал" асосий даъвогар ҳисобланади. Унга шунингдек "Ювентус", "Наполи" ва "Манчестер Юнайтед" клубларидан ҳам қизиқишлар бор.

Эслатиб ўтамиз, бундан аввалроқ Икардига “Наполи” ва “Ювентус” клубларидан жиддий қизиқишлар бўлаётгани ҳақида хабарлар тарқалган эди.

Маълумот учун, икарди жорий мавсум “Интер” сафида жами 28та ўйинда майдонга тушди ва ўз ҳисобига 15та гол ҳамда 3та голли узатма ёздириб қўйишга эришди.