"Интер" Коутиньони ортга қайтармоқчи эмас

Мавсумни “Бавария” сафида ижарада ўтказаётган “Барселона” ярим ҳимоячиси Филиппе Коутиньо “Интер” устози Антонио Контенинг режаларига кирмайди.

Calciomercato.com нашри тарқатган хабарга кўра, “нерадзуррилар” бразилиялик футболчининг трансфери бўйича “кўк-анор ранглилар” билан музокаралар ўтказишмаган. Боиси, “Интер”га бошқача услубга эга футболчи керак. Бироқ, Коутиньонинг ўзи А Серияга қайтишга қарши эмас.

Маълумот учун, “Интер” Коутиньо учун бегона эмас. У 2008-2013 йилларда ушбу жамоа сафида тўп сурган.