"Интер" ҳужумчиси Лаутаро Мартинес билан янги шартнома бўйича музокараларни давом эттирмоқда, дея хабар бермоқда The Sun нашри.

Манбага кўра, 23 ёшли футболчи "нерадзуррилар" билан имзо чекадиган янги келишувда унинг маоши тенг баробарга ошади. Яқин вақтлар ичида томонлар узоқ давом этган музокараларни якунлайди.

Олдинроқ, ҳужумчи хизматларига "Манчестер Сити" қизиқиш билдираётгани хабар қилинган эди.

Футболчи ва клуб ўртасидаги шартнома 2023 йил ёзигача амал қилади. Айни дамда унинг маоши йилига 2,5 миллион  еврони ташкил этмоқда.

Жорий мавсумда Мартинес А Серияда 9 та ўйинда майдонга тушиб, 5 та гол киритиб, 2 та голли узатма берди.

Матнда хатолик топсангиз, ўша хатони белгилаб, бизга жўнатинг (Ctrl + Enter)