"Интер" Лукман бўйича расмий юборди. Натижа эса ...

"Интер" клуби "Аталанта" ҳужумчиси Адемола Лукман учун илк расмий таклифини юборди. 

"Sky Sport" нашрининг хабарига кўра, миланликлар телефон орқали олиб борилган музокарада футболчи учун 40 миллион евро таклиф этди.

Бироқ, бергамоликлар ушбу суммага рози бўлмади. Шу билан бирга, "нерразиррилар" футболчининг ўзи билан шахсий шартнома борасида келишувга эришган ва тўловни ошириш ниятида.

Италия клубидан ташқари, Европа бир неча гранд клублари ҳам нигериялик футболчига жиддий қизиқиш билдириб, курашга кирган. Жумладан, Испаниянинг "Барселона", АПЛнинг "Арсенал" ва топ клублари ҳам унинг атрофидаги вазиятни ўрганмоқда.

Эслатиб ўтамиз, Лукман ўтган мавсум А Серияда 31 ўйинда 15 та гол ва 5 та ассист қайд этган.