“Inter Mayami” xo‘jayini Messini Barselonaga qaytarishga va’da berdi

“Inter Mayami” xo‘jayini Xorxe Mas argentinalk yulduz Lionel Messiga “Barselona”da xayrlashuv uchrashuvini o‘tkazishni tashkil qilib beradigan bo‘ldi.

- Messining “Barselona”dan ketishi uning hoxishi bilan bo‘lmagan. U o‘zini bolaligida qabul qilgan klub bilan xayrlasha olmadi. O‘ylashimcha, vaziyat taqozosi Messi istaganidek bo‘lmadi.

Men Lionelga yaqin yillar ichida Barselonada muxlislari bilan xayrlashishi uchun imkoniyat yaratib berishni va’da qildim. Balki o‘zaro uchrashuv tashkillashtirarmiz, - dedi Xorxe Mas.

Lionel Messi 2021 yili moliyaviy feyr-pley tufayli “Barselona” bilan yangi shartnoma tuza olmasdan, jamoani tark etishga majbur bo‘ldi. Keyinchalik ikki mavsum PSJda to‘p tepgan argentinalik hujumchi o‘tgan yoz AQShga ko‘chib o‘tdi.

Hozircha, Messi “Inter Mayami” tarkibida 12 ta uchrashuvda maydonga tushib, 11 ta gol va beshta assistga mualliflik qildi.