"Интер" меҳмонда мағлубиятга учраб, 1-ўринга чиқиш имкониятини бой берди!

6 январь, 2021, 21:02
0
Футбол

Италия А серияси 16-туридан ўрин олган "Сампдория" - "Интер" баҳси ўз ниҳоясига етди. Унда миланликлар сенсацион тарзда мағлубиятга учрашди. Учрашувда 2:1 ҳисоби қайд этилди. Голларга "Сампдория" сафида Антонио Кандрева ҳамда Кейта Бальде муаллифлик қилишган бўлса, меҳмонлар сафида Де Врей ҳисобни қисқартиришга муваффақ бўлди.

Ушбу мағлубиятдан сўнг, миланликлар А серия жадвалида биринчи ўринга чиқиб олиш имкониятини қўлдан бой беришди. Пешқадам "Милан"да эса улардан 1 очко кўпроқ, шунингдек, улар бугун "Юве" билан тўқнаш келишади.

90+6'
Учрашув якунланди! "Интер" сафарда кутилмаганда мағлубиятга учраб, биринчи ўринга кўтарилиш имконини қўлдан бой берди. Матнли трансляция Абдулла Маннонов томонидан олиб борилди. Эътиборингиз учун раҳмат!
90+2'
"Сампдория" сафида сўнгги ўзгариш: Кейта Бальде ўрнига Антонио Ла Гумина майдонга тушди.
90+1'
Ашраф Хакими қўпол ўйнади ва ўйин сўнгида карточка олди.
90+'
Учрашув асосий вақтига 5 дақиқа қўшиб берилди.
86'
Боягина ўйинга қўшилган Кристофер Аскильдсен ҳам қўпол фоли учун карточка билан жазоланди.
85'
Кейта Бальде сариқ карточка олди.
84'
Бурчакдан узатилган тўпни Перишич дарвозага боши билан йўллади, бироқ унга бироз аниқлик етишмади.
83'
"Интер" яна бурчак тўпи ишлаб олди. Сўнгги дақиқалар хавфли тус олмоқда.
82'
"Интер" сафида 2 ўзгариш амалга оширилди: Барелла ва Шкриниар ўрнига Дамброзио ва Видаль майдонга тушишди.
80'
"Интер" навбатдаги бурчак зарбасидан хавфли вазият ярата олмади. Ҳимоячилар яхши ҳаракат қилишди.
79'
Перишич бурчак тўпидан сўнг дарвозага зарба йўллади, бироқ ҳимоячига тўп тегиб, майдон ташқарисига чиқиб кетди.
78'
Тўп ҳимоячилар томонидан майдон ташқарисига чиқариб юборилди. "Интер" бурчак зарбасини ижро этади.
75'
Мезбонлар сафида навбатдаги ўзгариш: Якуп Янкто ўрнига Масель Лери ўйинга қўшилди.
74'
"Сампдория" ҳам ўзгариш қилади: жароҳат олган Адриен Силва ўрнига Кристофер Аскильдсен ўйинга қўшилди.
71'
"Интер" сафида ўзгариш: Алексис Санчес ўрнига Кристиан Эриксен майдонга тушди.
70'
Адриен Силва хавфли тўқнашувда жиддий жароҳат олган кўринади. У майдонда тиббий ёрдам олмоқда.
68'
"Сампдория" сафида ўзгариш: Бартош Берешинский жамоа ўйинини кучайтириш мақсадида Лоренцо Тонелли ўрнига майдонга тушди.
66'
ГООООООООООООООООООЛЛЛ!!! "Интер" ҳисобдаги фарқни қисқартирди! Стефан Де Врей барча ҳимоячиларданда баландга сакраб боши билан зарба берди, дарвозабонда тўпни қайтариш учун имкон олмаганди. 2-1! Ҳисоб қисқарди.
65'
Тўп майдон ташқарисида. Миланликлар бурчак тўпини амалга оширади.
65'
Ҳимоя яхши ўйнади. Перишичнинг ажойиб узатмаси бурчаккка чиқариб юборилди.
63'
"Интер" сафида навбатдаги ўзгариш: Гальярдини ўрнига Ромелу Лукаку майдонга тушди.
61'
Якуп Янктонинг жарима майдони ичига амалга оширган узатмаси блокланди. Қарши ҳужум кўрармиз.
57'
"Сампдория" аъзоси Мортен Торсби қўпол подкати учун сариқ карточка билан огоҳлантирилди.
55'
Якуп Янкто жарима майдони ташқарисидан кучли зарба берди, тўп дарвозанинг устунига тегиб майдонни тарк этди!
54'
Марцело Брозович жарима майдони ичига тўпни етказиб берди, бироқ дарвозабон Эмиль Аудеро тўпга ҳаммадан эрта чиқиб келиб, уни эгаллаб олди.
53'
"Сампдория" футболчиси Омар Колли қўпол ўйнади. Бош ҳакам уни оғзаки огоҳлантирди.
50'
"Интер" бурчак зарбасидан унумли фойдалана олмади. Ҳимоячилар яхши ўйнади.
49'
Ашраф Хакими жарима майдони ичига тўпни қанотдан туриб ҳаволатиб етказиб берди, палапартиш вазиятдан сўнг ҳимоячилардан бири тўпни боши билан ташқарисига чиқариб юборди.
46'
"Интер" таймни ўзгариш билан бошлаб олди: Эшли Янг майдонни тарк этиб, Иван Перишич унинг ўрнига ўйинга қўшилди.
46'
2-тайм бошланди!
45'
Футболчилар майдонга қайтишмоқда, биз ҳам қайтамиз.
45+4'
1-бўлим якунланди. Танаффус.
45+2'
Лаутаро Мартинес жарима майдони ичида тўпни қабул қилиб олди ва дарвозанинг чап томонига зарба берди! Бироқ тўп устуннинг ёнгинасидан ўтиб кетди!
45+'
Биринчи таймга 3 дақиқа вақт қўшиб берилди.
44'
Лаутаро Мартинес ўзини бисиб олиши зарур: ҳакам уни оғзаки огоҳлантириш билан чекланди, кейинги сафар у карточка олиши мумкин.
43'
"Интер" ҳужумларни тиндирмаяпти. Бироқ сўнгги зарба доим ноаниқ чиқяпти.
40'
Стефан Де Врей қизишиб кетди ва қоидани яққол бузди! Бош ҳакам унга сариқ карточка кўрсатди.
38'
ГОООООООООООООООООООООООЛЛЛ!!! "Сампдория" иккинчи голини ҳам урмоқда! Дамсгарднинг узатмасини Кейта Бальде дарвозанинг пастги бурчагига жойлаб қўйди! 2-0!
36'
Якуп Янкто бурчакдан тўпни жарима майдон ичига узатиб берди, бироқ ҳимоячилар уни эгаллаб олишга тайёр туришган эди.
35'
Антонио Кандрева шу нуқтадан туриб дарвозага зарба берди, тўпни ҳимоячилар бурчакка чиқариб юборди! Мезбонлар яна бир бор тўпни бурчакдан ўйинга киритиб беришади.
34'
Николо Барелла қанотда тўпни росмана маънода қўл билан тўхтатиб қолди, ҳакам жарима зарбаси белгилади.
31'
Мартинес ҳужумда фол ишлатди. Бош ҳакам буни дарров илғади.
28'
"Интер" бурчак тўпини қисқа пас билан амалга оширди, Мартинес ичкарига тўпни узатди, мезбонлар эса уни эгаллаб олишди.
27'
Ашраф Хакими қанотдан узатган узатмаси хавфли вазият юзага келтирди, бироқ тўп бурчакка чиқиб кетди!
24'
ГООООООООООООЛЛЛ!!! Антонио Кандрева дарвозанинг чап томонига зарба берди, Ханданович эса бу зарба олдида ожиз қолди! Ҳисоб очилди.
23'
Николо Барелла ушбу вазият учун сариқ карточка билан жазоланди.
23'
Бош ҳакам ВАРга мурожжат қилди ва бу вазиятда ҳам пенальти бор деб ҳисоблаб, 11 метрлик нуқтага ишора қилди.
23'
Антонио Кандрева бурчакдан тўпни узатиб берди, бироқ унинг шериклари тўпга эга чиқа олишмади. Футболчилар ҳакамга мурожаат қилишмоқда: яна қўл билан ўйин бўлган шекилли...
22'
"Сампдория" бурчакдан тўпни ўйинни киритди! Хавфли вазият! Миккель Дамсгард жарима майдони ичига тўпни узатди, ҳимоячи тўпни тезлик билан ташқарига чиқариб юборди.
21'
Мезбонлар футболчиси Адриен Силва ажойиб зарба берди, тўп рикошетдан сўнг майдон ташқарисига чиқиб кетди.
18'
"Сампдория" футболчилари жарима зарбасини ижро этишди. Бироқ муваффақиятсиз.
17'
Лаутаро Мартинес ўйин қоидасини бузди ва сариқ карточка билан жазоланди.
16'
"Сампдория" бурчак тўпи тепади.
15'
"Сампдория" футболчиси Лоренцо Тонеллида дарвозани ишғол қилиш учун қулай вазият юзага келганди, бироқ унда жарима майдони ичида тўпни қабул қилиб олишда муаммо бўлди ва у тўпни йўқотди.
12'
Алексис Санчес пенальтидан унумли фойдалана олмади! Зарба чап бурчакка йўналтирилди, дарвозабон уни қайтарди!
11'
Пенальти! Ушбу вазиятда қўл билан ўйин деб топилди ва 11 метрлик нуқтага ишора қилинди! Алексис Санчес уни ижро этади.
10'
Футболчилар бош ҳакамга қўл билан ўйин бўлганига ишора қилишмоқда, ҳакам ВАРга мурожаат қилади!
9'
Милан Шкриниар бурчакдан узатилган тўпни боши билан дарвозага йўналтирди! Аниқ зарба дарвозанинг чап устунига тегди! Ухх
8'
"Интер" яна бир бор бурчак тўпи тепади.
7'
Ух қандай сейв! "Сампдория" дарвозабони росмана маънода қаҳрамонлик кўрсатди! Эшли Янг берган зарба қийинчилик билан қайтарилди.
5'
Бош ҳакам Паоло Валери хуштагини чалди. Барелла тўпга чиқишда қўпол ҳаракат қилди ва қоидани бузди. Жарима зарбаси.
4'
Лаутаро Мартинез бурчакдан узатилган тўпга энг биринчи эга чиқди ва дарвозанинг чап томонига зарба берди! Бироз аниқлик етишмади.
3'
Тўп майдон ташқарисига чиқиб кетди. Бош ҳакам бурчакни кўрсатди. "Интер" уни ижро этади.
2'
Лаутаро Мартинез қанотдан жарима майдони ичига ёриб кирди ва ажойиб пас берди, бироқ ҳимоячилардан бири охирги сонияларда тўпни узоқлаштирди.
1'
Учрашув бошланди!
0'
Футболчилар майдонга чиқиб келишмоқда. Учрашув бошланиш арафасида.
0'
Ассалому алайкум, қадрли футбол ихлосмандлари! Италия А серияси 16-туридан ўрин олган "Сампдория" - "Интер" баҳсига хуш келибсиз. Сайтимиз уни сизга матнли кўринишда тақдим этади. Матнли трансляцияни Абдулла Маннонов олиб боради.