"Интер" Мертенсни текинга қўлга киритмоқчи

“Наполи” клуби форварди Дрис Мертенс А Сериянинг бошқа жамоасига кўчиб ўтиши мумкин. Бу ҳақда La Gazzetta dello Sport мухбири Николо Скира ўзининг твиттердаги саҳифасида маълум қилди.

Юқоридаги манбаага кўра 32 ёшли бельгиялик футболчини “Интер” ўз сафида кўрмоқчи. Бироқ, “нерадзуррилар” уни мавсум якунлангач, яъни унинг неаполликлар билан шартномаси якунлангач текинга ўз сафига қўшиб олмоқчи. “Интер” Мертенсга 2 йиллик шартнома ва йилига 4,5 млн евро маош ваъда қилмоқда.

Маълумот учун, Мертенс жорий мавсум А Серияда 16 та ўйинда майдонга тушди ва 4 та гол ҳамда 3 та голли узатмага муаллифлик қилди.