"Интер" "Монако" вингерини нишонга олди

Италиянинг "Интер" клуби қанот хужум чизиғига янги қон қуйиш мақсадида "Монако" аъзоси Магнес Аклиушни кузатиб бормоқда.

Франция нашрлари берган маълумотларга қараганда, "неразуррилар" Лукман трансферидаги муаммолар сабаб 23 ёшли футболчини сотиб олишга ҳаракат қилади. Бироқ, француз клуби ўз футболчисини 70 миллион евродан камига қўйиб юбормоқчи эмас. Бу эса "Аталанта" Лукман учун сўраган пулдан хам кўпроқ. Ҳужумчининг "Монако" билан амалдаги шартномаси эса 2028 йилнинг ёзига қадар амал қилади.

Маълумот учун, франциялик футболчи якунланган мавсумда умумий 43 та ўйинда майдонга тушиб, 7 та гол урди ва 12 голли узатмани амалга оширди.