"Интер" МЮ футболчисини жалб қилмоқчи

"Манчестер Юнайтед" ҳимоячиси Крис Смоллинг жамоани тарк этиши мумкин.

30 ёшли футболчининг хизматларига "Рома" клуби қизиқиш билдирди, аммо "қизил-иблислар" римликларнинг таклифини рад этди. Манчестер клуби Смоллингнинг трансферидан 20 млн евро ишлаб олишни мақсад қилмоқда.

Ҳимоячига энди "Интер" клуби ҳам қизиқмоқда, деб хабар берди Calciomercato.

"Нерадзуррилар" Ромелу Лукаку ва Алексис Санчеснинг трансферидан кейин, инглиз клуби билан яхши муносабатларни сақлаб қолган.

Смоллинг ўтган мавсумни "Рома"да ижара асосида ўтказиб, А Серия доирасида 30 та баҳсда майдонга тушди.