"Inter" MYuning yana bir futbolchisini o‘z safiga qo‘shib olishga yaqin turibdi

Milanning “Inter” klubi joriy qishki transferlar davrida “Manchester Yunayted” yarim himoyachisi Eshli Yangni o‘z safiga qo‘shib olmoqchi.

Sky Sports tarqatgan xabarga ko‘ra “neradzurrilar” 34 yoshli futbolchi bilan 1,5 yillik shartnoma imzolashadi.

Ta’kidlash kerakki, Yangning MYu bilan amaldagi shartnomasi joriy mavsum yakuniga qadar imzolangan.

Agar Yang milanliklar safiga ko‘chib o‘tsa, so‘nggi bir yil ichida “Manchester Yunayted”dan “Inter”ga ko‘chib o‘tgan 3-futbolchiga aylanadi. Bundan avvalroq Romelu Lukaku va Aleksis Sanches ham “Inter”ga o‘tgan edi.