"Интер" ўз уйида ғалабага эришиб, "Ювентус"ни қувиб ўтди

Италия А Серияси 10-туридан ўрин олган "Интер" - "Болонья" учрашуви ўз якунига етди. Унда мезбонлар 3:1 ҳисобида зафар қучди. 

Биринчи таймда Лукаку ва Ҳакими ишончли ҳисобни таъминлади. Болоньяликлар Вигнатонинг голи орқали ўйинга қайтгандек бўлди. Аммо Ашраф дубль қайд этиб, 2 та тўп фарқини қайта тиклашга эришди. 

Ушбу ғалабадан сўнг, Антонио Конте шогирдлари ҳисобидаги очколар 21 тага етиб, 2-ўринга кўтарилиб олди. Меҳмонлар тур бошидаги 12 очкоси билан қолиб, 10-поғонадан қимирламади. 

• 90+4'
  

  Учрашув якунланди. "Интер" ўз уйида ишончли ғалабага эришди. Матнли трансляцияни Абдулла Маннонов олиб борди. Эътиборингиз учун раҳмат!

• 90+1'
  

  "Интер"да ўзгариш: Санчес майдонни тарк этиб, ўрнига Эриксен тушди.

• 90'
  

  Ўйинга 3 дақиқа қўшиб берилди.

• 89'

  "Болонья" футболчилари сўнгги ўн дақиқа ичида тинимсиз ҳужумлар уюштириб, рақибини анча қийнаб қўйди. "Интер" эса ўз класси эвазига натижани нақд қилмоқда.

• 80'
  

  "Интер"да яна бир бурчак зарбаси. Скорупски ўз услубида)

• 79'
  

  Меҳмонлар сафида сўнгги ўзгаришлар: Барроу ва Паласио ўрнига Раббио ҳамда Вергани ўйинга қўшилди.

• 74'
  

  "Болонья" футболчиси Данило тўпни қўли билан тўхтатиб қолганлиги учун сариқ карточка билан жазоланди.

• 72'
  

  "Нерадзурри"лар сафида ҳам 3 ўзгариш: Видаль, Ҳакими ва Лукаку ўрнига ўйинга Барелла, Дармиан ҳамда Мартинес қўшилди. 

• 70'
  

  ГОООООООООООООЛЛЛ!!! Индивидуал маҳоратини юксак даражада намойиш этган Ашраф Ҳакими дублни расмийлаштирди ва жамоасининг ҳисобдаги устунлигини мустаҳкамлади! 3-1!

• 67'
  

  ГОООООООООЛЛЛ!!! Эмануэль Виньято қулай имкониятдан унумли фойдаланди ва дарвозани ишғол этди! 2-1!!!

• 67'
  

  Ҳакими ҳужумчига нисбатан ишлатган қоидабузарлиги учун сариқ карточка билан жазоланди.

• 65'
  

  "Болонья"дан омадли бурчак зарбаси, бироқ охирида миланликлар барибир устун келишди.

• 63'
  

  "Болонья" сафида бирйўла 3 ўзгариш амалга оширилди. Медель, Ҳики ва Сванберг ўрнига майдонга Домингес, Виньято ҳамда Кҳаилоти тушди.

• 61'

  Лукаку ўта хавфли вазиятни юзага келтирди! Жарима майдончаси ташқарисидан берилган кучли зарбага биорзгина аниқлик етишмади.

• 57'
  

  "Болонья" бурчак тўпидан наф чиқара олмади.

• 56'
  

  Алексис Санчес рақиб жарима майдони ичидаги пала-партишликдан унумли фойдаланиб дарвозанинг пастки чап бурчагига зарба беришга муваффақ бўлди. Дарвозабон Скорупскидан эса сейв.

• 54'
  

  Аарон Ҳики қўпол фоли эвазига сариқ карточка билан жазоланди.

• 50'
  

  "Интер" бурчак тўпи тепади. Ҳужум муваффақиятсиз якунланди.

• 48'

  "Болонья" футболчиси Маттиас Сванберг томонидан рақиб ҳужуми қўпол тарзда тўхтатиб қолинди. Ҳакам жарима зарбаси белгилади.

• 46'
  

  2-бўлим бошланди.

• 45'

  Футболчилар майдонга қайтишмоқда. Биз ҳам қайтамиз.

• 45+1'
  

  Биринчи бўлим якунланди. "Интер" танаффусга 2 та гол урган ҳолда чиқиб кетмоқда. Танаффус.

• 45'
  

  1-таймга 1 дақиқа вақт қўшиб берилди.

• 45'
  

  ГООООООООООООООООЛЛЛ!!! Брозовичнинг заргарона узатмасини Ҳакими ўта аниқ зарбаси билан дарвозага йўналтирди ва уни ишғол қилди! 2-0!

• 42'
  

  Санчес кетма-кет 2-бурчак зарбасини амалга оширди. Скорупски ўз ўрнида.

• 42'
  

  Алексис Санчес бурчакдан узатма амалга оширди. Бироқ ҳужум хавф туғдирмади - ҳимоячилар буни осон бартараф этишди.

• 41'

  "Интер" 5 дақиқадан бери рақиб майдонида тўпни назорат қилиш билан машғул.

• 37'

  "Болонья" футболчиси Жерди Шутен қўпол ўйин намойиш этди. Ҳакам оғзаки огоҳлантириш билан чекланди.

• 34'

  Ромелу Лукаку дарвозабон билан деярли яккама-якка вазиятга чиқиб кетди, бироқ кипер чаққонлик қилиб, тўпга ундан олдин эга чиқди.

• 30'

  Ҳакими жарима зарбасидан ноаниқ фойдаланди. Тўп бироз юқорилаб кетди.

• 25'

  Қанотдан узатилган тўпни Роберто Гальярдини боши билан дарвозага йўллади, бироқ тўп дарвозанинг устидан ўтиб кетди.

• 23'

  Марцело Брозовичнинг зарба позициясига чиқарилаётган пасини Лукаш Скорупски тўсиб қолди ва ҳужумни бартараф этди.

• 21'

  Алексис Санчес кераксиз жойда фол ишлатди. Ҳакам уни оғзаки огоҳлантирди.

• 16'
  

  ГООООООООООООООЛЛЛ!!! Перишичнинг шедевр узатмасидан сўнг Лукаку ҳисобни очмоқда! 1-0!

• 13'
  

  Брозовичдан яна бир бурчак зарбаси. Ноаниқ.

• 9'
  

  Марцело Брозович бурчакдан узатилган тўпни дарвозага боши билан йўналтирди, бироқ унга аниқлик етишмади.

• 7'

  "Интер" футболчиси Стефан де Врей қўпол ўйин кўрсатди. Унга ҳам ҳакамдан огоҳлантириш.

• 3'

  Алессандро Бастони ўйинда тактик фол ишлатди. Ҳакам кейинги сафар сариқ бериш шарти билан футболчини огоҳлантирди.

• 1'
  

  Ўйин бошланди. Ҳакам ҳуштаги чалинди.

• 0'

  Ассалому алайкум, қадрли футбол ишқибозлари! Италия А серияси 10-туридан ўрин олган "Интер" - "Болонья" учрашувида сиз билан кўришиб турганимиздан хурсандмиз. Ўйиндаги воқеалардан шу саҳифа орқали хабардор бўлиб туришингиз мумкин. Матнли трансляцияни Абдулла Маннонов олиб боради.